Pieties gee Peppsies gas by netbal
Die Pieties (Laerskool Pietersburg) en Peppsies (PEPPS Polokwane Preparatory School) het mekaar op 15 Mei die stryd aangesê op Laerskool Pietersburg (PLS) se netbalbane.
Die o/12A span van PLS se doel, Maricha Hatting, vang die bal in die lug in 'n wedstryd teen PEPPS. By haar is die verdediger van PEPPS, Ketsi Mathabatha.
POLOKWANE – Die Pieties (Laerskool Pietersburg)en Peppsies (PEPPS Polokwane Preparatory School) het mekaar op 15 Mei die stryd aangesê op Laerskool Pietersburg (PLS) se netbalbane.
Die klank van tekkies op die baan en die toeskouers wat “hop, hop spinnekop” in ‘n koor skree het die dag gekenmerk.
Die spelers van die o/11A- en o/12A-spanne het aksiebelaaide wedstryde gespeel, met spelers wat gereeld deur die lug geseil het agter die bal aan.
Louise van Ryneveld, hulpdoel van PLS o/12A-span het besonder goed gespeel op die dag en die bal gereeld vir haar span voor die neuse van hul teenstanders weggeraap.
Die uitslae was as volg:
• o/9A PLS wen 18-1.
• o/9B PLS wen 18-0.
• o/10A PLS wen 23-0.
• o/10B PLS wen 21-0.
• o/11A PLS wen 39-3.
• o/11B PLS wen 30-0.
• o/12A PLS wen 22-2.
• o/12B PLS wen 19-3.
• o/13A PLS wen 46-0.
• o/13B PLS wen 30-0.
