Ek kan net dankie sê vir die spoedhobbels wat by die skool in McGrathlaan opgerig is.
Net jammer dis nie die enigste plek waar dit opgerig kan word nie. Ek woon in McGrathlaan naby dr Slabbert se spreekkamers en ek wens so dat hulle naby sy spreekkamers óf ‘n stopteken óf nog spoedhobbels sal aanbring.
Die mense jaag nie net af na Nassaustraat toe nie, hulle jaag ook op na die winkelkompleks toe. In ‘n kwessie van ses maande kan ek vyf ongelukke van die laerskool tot by die winkelsentrum opnoem.
My opinie en motivering vir die versoek vir nog spoedhobbels by dr Slabbert-hulle is omrede hulle ‘n mediese sentrum is en daar soms noodgevalle is. Die mense jaag verskriklik daar verby.
Ek hoop hierdie epos bereik die regte mense.
At Caxton, we employ humans to generate daily fresh news, not AI intervention. Happy reading!
