VANDERBIJLPARK – Willem Pieterse is al vir jare een van die Vaaldriehoek se trampolienkampioene.

Onlangs is hy verkies tot die Suid-Afrikaanse trampolienspan wat van 5 tot 6 Mei aan die Afrika-trampolienkampioenskappe gaan deelneem. Die kampioenskappe vind in Pretoria plaas.

Willem is deel van Emfuleni Gymnastics. Sy afrigter, Siphiwe Mosoang is gekies as ʼn Junior afrigter wat die gimnaste tydens die kampioenskappe gaan bystaan.

Ronel Fourie, mede-eienaar van Emfuleni Gymnastics sê die klub wens Willem en Siphiwe geluk met hul prestasies. “Ons is supertrots op albei van julle.”