VEREENIGING. – ’n Prominente Vaaldriehoekse prokureur en ’n bekende sakeman het die nuutste slagoffers geword van die berugte blouligbende wat ’n skrikbewind langs die R59-snelweg voer.

Mnr. David Mey, prokureur van die regsfirma David Mey en Vennote en mnr. Sarel van Zyl, eienaar van Sarel se Vleispaleis, het Maandag, 13 Julie van ’n jagnaweek teruggekeer toe Van Zyl se Toyota Legend 50 dubbelkajuitbakkie gekaap en die mans van hul persoonlike besittings beroof is.

Hulle is met vuurwapens aangehou. Hulle hande is met kabelband vasgebind. Kledingstukke is oor hulle koppe gegooi en die kapers het met hulle rondgery voordat hulle in ‘n verlate veldjie afgelaai is.

Van daar af moes hulle hul pad na die naaste plek vind om die polisie te bel.

*Volledige storie in hierdie week se Vaalweekblad.