Daar het niks van gekom nie en ten einde laas het hulle self iemand gekry om die huis se verstopte dreine skoon te maak. Dit het hul amper R1 000 uit die sak gejaag. Die loodgieter het gesê die munisipale drein veroorsaak al die probleme. Die hoofdrein is verstop en moet skoongemaak word.

Daarna het hul al verskeie nommers geskakel in ‘n poging om die probleem weer te rapporteer. Uiteindelik het hul ‘n verwysing op 8 Julie van die munisipaliteit gekry. En daar het dit gebly. Sedertdien skakel hul omtrent elke dag en so het Rebecca, Paulina en Gift al belowe dat die “jobkaart” saam met die span uit is, maar geen werkers het nog opgedaag nie. Beloftes dat hulle sal terugbel blyk ook leeg te wees. “Dit kos ons tussen R15 en R25 op ‘n slag aan lugtyd” sê Chris wat op die stadium werkloos is en nie die ekstra uitgawes kan bekostig nie.

“Ek het maar self ‘n paar keer die gemors uitgeskep en in swartsakke gegooi,  en laat uitdroog om dit te laat weg gooi,  want my honde het siek geword.” het hy moedeloos laat weet.  Die Van Rooyens maak hul kleindogter groot en die drein is naby haar kamervenster. Die stank is onuithoubaar. “Ek laat nie meer my honde of my kleinkind uit die huis nie,  want ek is bang dat hulle weer gaan siek word.”