Die natuur sorg altyd vir puik foto geleentheid en die “modelle” is soms so karaktervol dat jy sonder om hard te probeer ‘n pragtige foto kan kry. Dit is natuurlik ‘n bonus as dit ‘n “good hair day” vir die model ook is. Monica Warren, wat dit veral geniet om voëls af te neem, was gelukkig om so ‘n “model” teë te kom. Geniet ook die ander pragtige bydraes.

Van Vaalweekblad se lesers en volgers het aan die begin van die nasionale inperking besluit om die beste van die saak te maak en hulself  besig te hou deur mooi foto’s in en om die huis te neem.  Heelwat van die fotograwe is nou weer terug by die werk en het ook nou die geleentheid om effens verder as net by hul huise foto’s te kan neem.

Van die fotograwe het sommer hul selfone vir die taak ingespan. As jy dalk ‘n mooi foto of twee het om te deel, stuur dit gerus na elsje.vermeulen@media24.com – en as jy met jou selfoon ‘n foto wil aanstuur, whatsapp dit na 083 417 1059. Stuur asb. jou naam en van saam, asook so bietjie inligting oor die foto (bv. in watter dorp die foto geneem is, die troeteldier se naam ens.).

Die 10de fotoblad van die “lockdown-fotograwe” het in die week se Vaalweekblad (5 Augustus) verskyn. Die treffendste en geskikste foto’s vir “print media” word weekliks uit al die inskrywings wat  gedurende die vorige week op Vaalweekblad se webtuiste verskyn het gekies.