VANDERBIJLPARK. – Die inwoners van 17 Tennyson straat in Cw6 is op moedverloor se vlakte. Volgens Andries Oosthuizen is hy raadop met die riool wat in sy erf ophoop. “Ons het dit al orals aangemeld, maar kry geen hulp. Ek is raadop. Ek kan nie eers my gras sny nie. My kinders Juan-dre (12), Juavan (8) en Lizandri (3) kan nie eers buite speel nie,” sê Oosthuizen.

Volgens hom  word drie huise in sy straat deur die probleem geaffekteer. “Die ouens het self probeer plan maak deur wegvoerslote te grou maar dit help niks nie,” sê hy moedeloos. Die reuk is glo ondraaglik en hy is verder bekommerd dat dit ‘n gesondheidsrisiko vir sy gesin inhou. * Vaalweekblad het die Emfuleni Plaaslike Munisipaliteit (ELM) om kommentaar genader en wag vir terugvoering.