Filmmaker van Vereeniging se nuwe rolprent bekend gestel
VEREENIGING. – Die lokprent vir die filmmaker Johan Cronjé se nuwe rolprent Meisies wat fluit is pas uitgereik. Cronjé, wat van Vereeniging af kom en aan Laerskool Suikerbos en Hoërskool Overvaal skoolgegaan het, is ook bekend vir die Afrikaanse rolprent Wonderlus wat in 2018 verskyn het. Leandrie du Randt en Stiaan Smith vertolk saam die …
VEREENIGING. – Die lokprent vir die filmmaker Johan Cronjé se nuwe rolprent Meisies wat fluit is pas uitgereik.
Cronjé, wat van Vereeniging af kom en aan Laerskool Suikerbos en Hoërskool Overvaal skoolgegaan het, is ook bekend vir die Afrikaanse rolprent Wonderlus wat in 2018 verskyn het.
Leandrie du Randt en Stiaan Smith vertolk saam die hoofrolle in Cronjé se nuwe fliek.
Die film is ’n liefdesverhaal en handel oor Henk (Smith) en Sofia (Du Rant) wat saam in die bed beland nadat hulle albei deur egskeidings is. Hulle kon nie hulle huwelike laat werk nie, maar miskien kan ‘n nuwe tipe verhouding wel uitwerk solank hulle die reëls volg…
Amalia Uys, Geon Nel, Anré Bouguenon, Pietie Beyers, Hanli Rolfes, Bennie Fourie en Gerald Steyn is ook in die fliek te sien.
Die première is op Vrydag 4 September op DStv BoxOffice.
Dit sal daarna op Showmax en kykNet vertoon word.
Sien die lokprent hier:
