SASOLBURG.- ‘n Groot wit wolk in die vorm van ‘n paddastoel was vroeër vanmiddag vanuit Vaalpark en Vanderbijlpark sigbaar. Die oorsaak was verskeie brande wat langs die R59, Vaalpark in die rigting van Vereeniging gewoed het. Die oorsaak van die veldbrande is onbekend. Brandbestryders was vinnig op die toneel om die brand te bestry. Rook het die sigbaarheid op die snelweg belemmer, maar dié brand – die kleinste van die twee brande – is vinnig onder beheer gebring.