“Wat die ergste is, is dat van my belangrike dokumente en bewyse oor korrupsie ook gesteel is,” sê Gerda. Sy en haar sekretaresse is reeds die afgelope vier jaar (sedert 2017) werksaam vanuit dié munisipale kantoor. Behalwe vir haar sekretaresse se lessenaar, stoel, rekenaar, boekrak en ‘n liaseerkabinet wat aan ELM behoort het, was daar ook baie privaat eiendom ter waarde van sowat R20 000.

Intussen is daar sommer ander meubels in die kantoor ingedra asof die kantoor eenvoudig nooit eens Senekal sin was nie. Sy het reeds Maandag ‘n saak van diefstal by die Vanderbijlpark Polisiestasie oopgemaak.

MPL A de Lange (hoofsweep van die VF Plus: Gauteng) het intussen ook ‘n brief oor sy misnoë oor die saak aan ELM gestuur.