In Lyon (‘n stad in Frankryk) is daar ‘n kunstenaar met die naam Emem wat die gebreekte sypaadjies met mosaïek vul. Hy noem dit “the art of flacking” en die werk wat hy met die klein gekleurde teëltjies vermag is asemrowened. Hy word nie verniet as ‘n ′′pavement surgeon” bestempel nie. Hy dokter reeds die stad strate sedert 2016.

Maar nou ja, kom ons wees realisties – hier in die Vaal sal dit nou nie juis werk nie. Daar is nie genoeg gekleurde teëltjies om die reuse taak te vermag nie. Boonop is die kanse goed dat die mosaïek-teëltjies vinniger gesteel sal word as wat dit ingesit word.

Maar as dit kon werk – dink net hoe kleurvol sou die Vaal dan gewees het!