SASOLBURG. – Fliek en musiekblyspel entoesiaste, daar is nog kaartjies beskikbaar vir die Stephen Sondheim bespreking deur Jaco van Rensburg en die gepaardgaande rolprent vertoning van Sweeney Todd: The Demon Barber of Fleet Street.

Die verrigtinge begin môre, Saterdag, 22 Mei om 12:00 met die agter die gordyn bespreking oor die lewe en wêreld van Stephen Sondheim deur Jaco van Rensburg.

Sondheim is ‘n bekroonde komponis en liriekskrywer. Hy het ‘n groot invloed op musiekblyspeles in die 20ste eeu gehad. Van sy werke sluit Follies, A Funny Thing Happened on the Way to the Forum, Gypsy, Sunday in the Park with George en Sweeney Todd in.

Die vertoning van die 1982 filmverwerking van Sweeney Todd: The Demon Barber of Fleet Street met George Hearn en Angela Lansbury in die hoofrolle begin om 14:00.

Meer besonderhede  beskikbaar op die facebook blad @ERTSasolburg. Vir meer inligting oor die rolprent en die geskiedenis daaragter, gaan loer in by https://www.pbs.org/kqed/demonbarber/play/index.html.