Die Suikerbosrand Natuurreservaat naby Kareekloof in die Heidelberg-area is aan ligte laaie. Dit is nog onduidelik wie of wat die brand veroorsaak het. Die reservaat is ‘n beskermde area en een van Gauteng se gunsteling eko-toersime bestemmings.

Dit is die tuiste van swart wildebeeste, kudus, springbokke, zebras, bobbejane, duikers, swartrug-jakkalse en aandvarke om net ‘n paar diersoorte te noem. Die plantlewe sluit onder meer wit stinkhoutbome, acacia karroo, Hoëveld proteas en wildeblomme soos agapanthus, disseldoring en rinum bulbispernum in.

‘n Brand van dié aard kan ‘n verwoestende uitwerking op ‘n ekosisteem hê.