VANDERBIJLPARK. – ‘n 40-jarige man is laat vanmiddag, net voor 18:00 by Ingang 5 van die Vaal Mall winkelsentrum doodgeskiet nadat hy en ‘n sekuriteitswag na bewering in ‘n onderonsie betrokke geraak het.

Volgens ooggetuies het die oorledene en die sekuriteitswag glo stry gekry nadat hulle glo in die ingang met trollies teen mekaar gestamp het. Die polisie het bevestig dat verskeie skote afgevuur is, maar dat die man net een keer getref is. Hy is op die toneel oorlede. Daar is glo  kringtelevisie beeldmateriaal van die skietery.

*Hierdie is ‘n ontwikkelende storie en sal opgedateeer word soos inligting inkom.