Die Emfuleni Plaaslike Munisipaliteit het dié week kennis gegee dat die Munic Substasie Sondag, 27 Februarie vir ‘n groot deel van die dag afgeskakel gaan word vir noodsaaklike herstelwerk en instandhouding Volgens Emfuleni is noodonderhoudswerk aan 88kV-strukture by die Munic Substasie noodsaaklik om toekomstige betroubaarheid van elektrisiteitstoevoer na Vanderbijlpark en omliggende gebiede te verseker. Die werk sal Sondag vanaf 09h00 tot 19h00 uitgevoer word. Emfuleni sê geen waarborg kan gegee word dat toevoer af sal bly vir die duur van die onderbreking nie, daarom word geaffekteerde kliënte aangeraai om alle elektriese stroombane en toestelle te alle tye as lewend te beskou. Vir meer inligting kontak die Elektrisiteitsbeheerkamer via WhatsApp: by: 065 871 7483.  

*************************************************************************************