Vaalweekblad het sedert laasnag (6 Maart 2022) talle oproepe en Whatsapp-navrae gekry van mense wat wou weet of die gerug waar is dat ‘n geliefde Vanderbijlparkse dokter, dr. Marius Cloete, gesterf het. Vaalweekblad het vanoggend bevestiging by ‘n familielid gekry dat hy inderdaad oorlede is. Ons gaan tans geen verdere navrae daaroor hanteer nie en wil die familie graag tyd gee om hierdie tragiese nuus te verwerk voordat ons ‘n berig doen. Ons glo ons lesers sal verstaan. Vaalweekblad se innige meegevoel aan al Marius se vriende en familie. Hy was ook die dokter van ‘n paar personeellede van MooiVaal Media. Ons sal hom met die grootste waardering, agting en respek onthou.