Elize Hayes van Vanderbijlpark skryf na aanleiding van ‘n Facebook-debat of slange naby woongebiede doodgemaak of liewer gevang moet word:

Ons het onlangs twee rinkhalse doodgemaak in die Rosashof-omgewing.

Stenig my nou maar, maar ek sterf sewe dode as ek een sien. Ek het kleinkinders en honde wat nie die gevaar gaan ken nie.

Daar is ook nie tyd om te kyk waar gaan hy heen nie.

Ek is jammer maar my swaer het amper sy been verloor omdat hy ook nie graag ‘n slang wou doodmaak nie.

Hy was ‘n diabeet en daardie bytplek het nooit heeltemal gesond geword nie. Hy is in sy graf in met daardie stukkende plek. Maar elke ou is geregtig op sy eie mening.

********************************************************************************************