VANDERBIJLPARK. – Daar was alweer ‘n ongeluk op die Stokkiesdraaipad.

Op Vrydag, 6 Mei 2022 was Gert Janse van Rensburg van The Bar with No Name en Benedetto on Vaal in ‘n ongeluk betrokke.

“Ek het vir twee mense uitgeswaai en toe het ek in ‘n bakkie vasgery,” het hy laat weet.

Gert wat altyd op en aan die gang is, sê hy is nou vir die eerste keer in twee jaar genoodsaak om stil in die bed te lê en te rus.

“Ek lyk nou soos scarface” het hy gespot oor die diep, seer sny wat nou oor sy voorkop strek. Hy het ook bygevoeg hy gaan nog daardie pad regmaak.

Ons wens hom vinnige beterskap toe.