Daar was 13 hengelaars, waarvan twee besoekers was, wat aan die kompetisie deelgeneem het. Altesaam 95 vis met ‘n gewig van 103,12kg was ingeweeg vir punte.

Die swaarste spesies was as volg: karp 2,619kg – Juandré Niemand, moddervis 1,140 kg – Marius Crous, graskarp 3,169kg Tennyson Coleskey en geelvis 0,880kg gevang deur Christo Havenga.

Juandré Niemand en Kit Taljaard wie as besoekers deelgeneem het, het behoorlik sand (of is dit vis) in hul teenstanders se oë geskop. Die twee hengelaars het gesamentlik 39 vis gevang waarvan Kit 25 vis (30,325kg) ingeweeg het.

Dit was ‘n koel oggend, maar later die middag het dit begin reën en ‘n baie sterk wind het begin waai, maar dit het nie die vis laat afsien om hoek te vat nie.

Marius Crous (een van die klublede) het die beste vangs vir die dag aangeteken met sy 8 vis (8,475kg).

Die volgende kompetisie is op 27 Augustus by van Driels, Vaaldam.

Enige persoon wie belangstel om by die klub aan te sluit kan vir Leon Meyer kontak op 083 775 4639.