SHARPVILLE.- Die president, kabinetsministers, regeringsamptenare en ander hooggeplaastes was Vrydag by Sharpville se krieketveld om te hoor wat gemeenskapsleiers te sê het tydens die Presidensiële Imbizo.

Die doel van die besoek is volgens die presidensie om “seker te maak dat niemand agter bly terwyl die regering met alle sektore van die samelewing werk om die land vorentoe te neem nie” en is ‘n manier vir inwoners om “gehoor te word” en “ingesluit word by ontwikkeling”.

Die Gaugengse Premier David Makhura het in ‘n openingstoespraak die Sedibeng-distrik as die “geboorteplek van industrialisasie in Gauteng beskryf, maar gesê dat daar die streek in die afgelope paar jaar sleg agteruitgegaan het.

“Die ekonomie van die Vaaldriehoek is in ernstige moeilikheid en ons het die provinsiale sowel as die nasionale regering se hulp nodig om ons te help die ekonomie te herbou,” het hy in die teenwoordigheid van die president gesê.

Makhura het die hoë werkloosheidskoers (64%), die agteruitgang van die plaaslike ekonomie, die stand van plaaslike infrastruktuur en probleme met plaaslike regering uitgesonder as van die grootste probleme waarmee die streek worstel

Na die tyd het gemeenskapleiers die kans gekry om te praat oor wat hulle pla.