MEYERTON. – Die polisie, misdaadintelligensie, reserviste, en twee sekuriteitsmaatskappye – Afri Guard en VR Security – was by die operasie betrokke.

Volgens ’n betroubare bron het misdaadintelligensie inligting ontvang van adresse waar vuurwapens, dwelms en onwettige drank aangehou word.

Daar is tydens die operasie ook na ‘n verdagte gesoek wat glo by rooftogte betrokke was.

’n Operasie is beplan, die partye het Donderdagaand byeengekom en van daar af na die onderskeie persele vertrek

Die persele, wat private wonings (plakkershutte) en ’n onwettige sjebien insluit, is deursoek.

Drie verdagtes is tydens die operasie in hegtenis geneem op klagtes wat verband hou met die verkoop van dwelms, die besit van onwettige wapens en ammunisie en die onwettige bedryf van ’n sjebien.

Een van die verdagtes, ’n Zimbabwiese man wat glo onwettig in die land is, het glo ammunisie, sowel as ’n speelgoedgeweer in sy besit gehad. Daar word vermoed dat die wapen moontlik tydens rooftogte gebruik is.

Tydens die aand is daar ook beslag gelê op onwettige drank (8 kaste bier)  en ’n man van Lesotho wat glo drank sonder ‘n dranklisensie verkoop is hegtenis geneem.

‘n Derde verdagte, ‘n Suid-Afrikaner, is ook tydens die operasie in hegtenis geneem vir die besit van dwelms. Hy het glo Mandrax-pille, ‘n sakkie tik en ‘n sakkie dagga aan hom gevind.

Die mans sal eersdaags in die hof verskyn.