SASOLBURG. – Die Afrikaanse Taal- en Kultuurvereniging (ATKV) Kultuurkuier 2022 het van 15 tot 18 Augustus by ATKV Klein-Kariba plaasgevind.
Meriete toekennings word jaarliks op verskillende gebiede toegeken. Hierdie toekenning gee erkenning aan die ATKV takke vir hul betrokkenheid op verskeie gebiede in hul gemeenskap. Sowat 300 takke is betrokke.
Die ATKV het 19 Augustus vanjaar sy 92ste bestaansjaar gevier. Die ATKV is ‘n moderne voorlopermaatskappy wat dit regkry om op ‘n volhoubare wyse sosiale en ekonomiese vooruitgang te kweek en sodoende te verseker dat die Afrikaanse lewende erfenis uitgebou en bewaar word.
Die ATKV se Sasolburg-tak het tydens dié Kultuurkuier ‘n merietesertifikaat van erkenning vir ‘n tak met ‘n hoë vlak van funksionaliteit ontvang.
Om by die projekte van die ATKV betrokke te raak of om aan te sluit, kontak gerus vir Pollie Massyn, voorsitter van dié ATKV-tak by 083 639 2423 of Charmaine Hattingh, die tak se sekretaris, by 082 769 2825.