VANDERBIJLPARK. – Die dag van die groot orrel-marathon het aangebreek! Franz Geldenhuys speel van 07:00 tot 19:00 vandag ‘n verskeidenheid van musiekstukke op die kerkorrel van NG Driehoek Gemeente in Vanderbijlpark.

Die groot marathon, om fondse in te samel vir noodsaaklike onderhoudswerk op die klassieke pyporrel, gaan saam met die gemeente se basaar wat ook vandag plaasvind.

Daar is ook ‘n teetuin in die kerksaal waar skilderye besigtig kan word terwyl daar na die mooi musiek geluister word.

Franz gaan ‘n hele mengelmoes van genres speel, so moenie net klassieke orrelstukke of kerkmusiek verwag nie.

Vir meer besonderhede, gaan maak gerus ‘n draai op die Facebookblad, @MyNGDriehoek.