VEREENIGING. – Volgens kapt. Fikile Funda is altesaam 48 konstabels tot die rang van sersant bevorder, terwyl 64 sersante tot die rang van adjudant offisier bevorder is.

Die bevordering is gebasseer op die offisiere se jare van diens aan die Suid-Afrikaanse Polisiediens.

Maj. genl. Zodwa Molefe, die polisie se distrikskommissaris vir die Sedibeng-distrik, het die parade bygewoon en het van die beamptes se range aan hulle oorhandig voordat sy moes vertrek het om ‘n gedenkdiens van ‘n polisieoffisier in Orange Farm by te woon.

Molefe het die beamptes geluk gewens.

“Die bevordering wat julle vandag kry gaan nie net oor ‘n verhoogde salaris nie. Die hele manier wat julle jul werk doen sal ook moet ook verander,” het Molefe tydens ‘n kort toespraak gesê en verduidelik dat daar met ‘n hoër rang meer van die beamptes verwag word.

“In hierdie distrik ly die mense erg onder misdaad. Julle moet julle bes doen,” het Molefe die beamptes gevra.

“Dit gaan alles oor dienslewering,” het sy gesê.

Molefe het ook aan die beamptes meegedeel dat sommige van hulle verskuif gaan word na polisiestasies waar daar ‘n behoefte is.