Nadine en Francois Herbst het op die brug op die R57, by die afrit na Vaalpark gestop om te kyk. Hulle het in die tydperk van omstreeks 23:30 tot 02:00 meer as 70 ligte sien verskyn en verdwyn.

Vaalweekblad het gevra of enigiemand “lig” op die onderwerp kan werp.

Ons bedank Dries Olivier wat die antwoord verskaf het.

Dries het verduidelik dat dit Starlink se satelliete is wat opgeskiet is en dan opbreek in die hemelruim. As hul nuut is, voor almal hul eie wentel banne neem, dan is daar sowat 20 tot 90 in ‘n ry.

“As hul nog nuut gelaunch is dan noem hul dit ‘n train. Starlink het weer op 19 Desember gelaunch en ek dink dit is die groep wat hul gesien het. Ons volg die Starlink-verwikkelinge en as jy gelukkig is sien jy dit soos die egpaar dit gesien het,” sê Dries.

Dries het reeds voorheen drie satelliet trains gesien van sowat 30 dele, en een met sowat 90 dele.

“Dit is regtig iets besonders om te sien. Mens kan dit nie regtig beskryf nie, maar dit is baie mooi,” sluit Dries af.

Starlink en SpaceX het al sowat 5 500 satelliete in die lug.

Vir meer inligting oor Starlink:

https://starwalk.space/en/news/spacex-starlink-satellites-night-sky-visibility-guide