“Ons hou daarvan om ons jaar met liefdadigheid te begin. Dis lekker om hulle te bederf en sommer net liefde te gee en te sien hoe hulle dit geniet,” sê Irene Britz, eienaar van Die Vlooi en Bosluis Taxi.

Sy en haar man Christoff, en natuurlik die personeel van Die Vlooi en Bosluis Taxi sal van 8 tot 11 Januarie al die honde by Vaalpets Animal Shelter gaan bederf.

Hulle maak gereed om in die tyd sowat 300 honde te was.

Die Vlooi en Bosluis Taxi doen dié goeie daad reeds sedert 2019.

Dit het alles begin met ‘n dame wat Irene gekontak en gevra het om ‘n husky by Vaalpets te gaan groom.

“Net daar het ek besluit dat dit ‘n jaarlikse instelling gaan wees. Vaalpets Animal Shelter lê my baie na aan die hart. Dis daar waar ek my hart verloor het op my eerste aanneem seuntjie, Neelsie, en toe later klein Ellie met haar een ogie,” vertel Irene.

Dit sal hoog op prys gestel word as inwoners die projek wil ondersteun.

“Ons vra ons kliente, vriende, familie, en almal wat bereid is om hul harte oop te maak vir ‘n goeie doel, om R20 per hondjie te borg. Die fondse wat ons invorder word net so gebruik om kos vir Vaalpets te koop. Maar jy hoef nie net geld te gee nie, enige ander donanies is ook welkom,” sê Irene.

“Ek wil ook net dankie se aan elkeen wat reeds ‘n bydrae gemaak het, dit word opreg waardeer,” sê Irene.

Belangstellendes wat meer wil weet oor die projek kan Irene by 084 455 2147 kontak.

Bankbesonderhede vir ‘n geldelike bydrae tot die projek is:

Vaalpets doggy wash 2024

Capitec  

Rekening nommer: 1595494543

Takkode: 470010