Kunsuitstalling by Sasolburg biblioteek
Die Vereeniging Arts Society bestaan al sedert 1973 en sedertdien het hul kunswerke net verbeter.
SASOLBURG – Die Vereeniging Art Society se jaarlikse uitstalling word hierdie jaar in die voorportaal van die Sasolburg Openbare Biblioteek gehou.
Die uitstalling kon tot 6 Junie besigtig word en het bestaan uit verskeie uitsonderlike skilderye. Die uitstalling is amptelik op 31 Mei geopen.
Op dieselfde middag het Vereeniging Art Society ook ‘n resepteboek bekendgestel, Art Eats and Treats, wat tekeninge en resepte van die verskillende lede bevat.
Die boek is saamgestel deur Charlotte Bresser. Voorsitter Mattie Joubert het gesê die Art Society vier die jaar hul 53ste bestaansjaar. Tans het hulle by die 50 lede en geniet almal hul maandelikse kompetisies en ander bedrywighede.
Vir meer inligting oor hoe om by die Vereeniging Art Society aan te sluit, of waar om die boek te koop, kontak gerus vir Mattie by 082 566 0527.
