VANDERBIJLPARK – Vadersdag was hierdie jaar ekstra spesiaal vir die Van Emmenes-familie. Dit was ‘n dubbele viering want hul pa, grootoupa en oupagrootjie, Roelf van Emmenes het op 15 Junie sy 90ste verjaardag gevier.

Omdat Oupa Roelf se gesondheid nie na wense is nie, het slegs die naaste familie hom vir ‘n Sondagmiddagete geneem.

Hy het sy kinderjare in Mookgophong (Naboomspruit) in Limpopo deurgebring. Nadat hy sy vrou, Helen, oorspronklik van die Kaap, in die Vaaldriehoek ontmoet het, het die gesin hul hier gevestig.

Die egpaar het drie kinders, vier kleinkinders en drie agterkleinkinders.