VANDERBIJLPARK – Die Vanderbijlparker, Francois Kruger, wat Saterdag sy nek in ‘n rugbywedstryd gebreek het sterk goed aan in die Unie Hospitaal in Alberton.

Die 17-jarige Francois het in ‘n Noordvaal-kragmeting vir die HS Transvalia teen HS Nelspruit sy nek in ‘n duikslag gebreek. “Dit was ‘n fratsongeluk gewees dit kon met enigeen gebeur het,” sê sy ma Liana.

Die Krugers is bitter dankbaar dat Francois die besering en noodoperasie oorleef het en is vol lof vir die behandeling en ondersteuning wat Francois ontvang het.

Francois is tans in ‘n gewone saal en kon reeds gister besoekers ontvang. Hoewel die pad vorentoe nog onbekend is die gesin vol moed en dankbaar vir elke gebed.