SWEDE – Terwyl Gauteng ‘n besonderse bedompige tyd beleef, met donderstorms wat oor groot dele van Suid-Afrika amok maak, is Swede omskep in ‘n prentjiemooi wêreld.
Miempie Rheeders (oorspronklik van Suid-Afrika) sê alhoewel hul nie sneeu oor Kersfees gehad het nie, is 2026 ingewy met Anna-sneeustorm.
Die tyd van die jaar bly dit redelik donker deur die loop van die dag en hulle moes vroeg op om paadjies skoon te vee en die motors sneeuvry te kry.
Teen Sondagmiddag was die hele landskap oordek met ʼn dik laag sneeu. Die temperatuur het tot -5°C gedaal en hulle het van die geleentheid gebruik gemaak om te gaan stap en foto’s te neem. -5° C is blykbaar ʼn gemaklike temperatuur as jy in Swede bly.
Teen Maandagoggend was die lug weer wolkloos, maar die temperatuur het tot -17°C gesak!
Wat sal jy verkies die wit wonder wêreld waar die son oor Desember skaars ʼn uur geskyn het, of Suid-Afrika se warm sonskyn en donderstorm middae?
