Die Paasnaweek is om die draai. Gerda Bruinette het by Vaalpark se Lumiére Primêre skool by die jongelinge gaan kers opsteek om te hoor wat gebeur op Paasfees?

Rynick Kapp “Paasfees is wanneer mamma’lle die paaseiers wegsteek en dan moet ons dit soek. Gewoonlik in die voorhuis en die kombuis.”

Adrian van den Berg “Paasfees spandeer ons tyd met die familie en eet lekker paaseiers.”

Wiandré Gericke “Jy gaan hunt vir paaseiers by Abrahamsrust.” (Hy is in graad 1. Hy weet nog nie die plek se naam het verander nie.)

Keagan Fourie “Paasfees is tyd vir swem en braai en see toe gaan.”

Skyler van Wyk “Paasfees is wanneer iemand ‘n nommer kry en dan ‘delete’ hul dit op hul fone, want hulle het net vriende op hul fone.” (‘n Mens redeneer nie met ‘n gr. 2’tjie nie.)

Elhana Griesel Die oomblik was vir die gr 1’tjie bietjie te groot en die tannie te vreemd, maar sy het darem gesê sy hou baie daarvan om paaseiers te eet.