Die wêreldbekende Amerikaanse vlieënier Amelia Earhart en haar navigator, Fred Noonan, het op hierdie dag – 2 Julie 1937 –  spoorloos oor die Stille Oseaan verdwyn terwyl hulle probeer het om rondom die wêreld te vlieg.

Die twee was op pad van Lae in Papoea-Nieu-Guinee na Howland-eiland toe radiokontak met hul vliegtuig verbreek is.

Ondanks een van die grootste lug- en see-soektogte van die tyd is hulle nooit gevind nie.

Earhart word steeds as een van die invloedrykste pioniers in die lugvaart beskou.

Haar verdwyning bly byna 90 jaar later een van die grootste onopgeloste raaisels in die geskiedenis van die lugvaart.