MEYERTON – Vyf motorfietsklubs het onlangs kragte saamgesnoer om Eagle Wings Skuiling tydens ’n winterliefdadigheidsgeleentheid by Meyerton Sportklub te ondersteun.

Die fondsinsamelingsgeleentheid is op 28 Julie aangebied deur Toppies Vaal, Road Rockers, ARC Warriors Vaal, Poison Butterflies en Valhalla Vaal.

Volgens Anthony Martin, president van Toppies Vaal, was die geleentheid ’n groot sukses, met bydraes wat aan Eagle Wings Skuiling gemaak is.

Die items wat ingesamel is, sluit onder meer kos, pap en sanitêre produkte in.

Plaaslike ondernemings het ook tot die projek bygedra, onder meer met borgskappe vir ’n nuwe stoof en instandhouding aan die skuiling se dakke.

Meyerton Sportklub het die terrein gratis beskikbaar gestel en ook ’n bydrae uit die kroeginkomste gemaak.

Plaaslike borge sluit Oil Center, All in One House Print, Frosty Ice, Lycna Meats, MCR (Donavan en Gerda), ARC Warriors MC JHB en JJ Glass in.