VANDERBIJLPARK – OFM se PinkTober-veldtog het verlede Donderdag die Vaal soos ’n vloedgolf getref toe sy gewilde Bowling for Boobies-fondsinsameling by die Vanderbijlpark-rolbalklub plaasgevind het.
Die jaarlikse projek is verlede jaar in Vereeniging gehou en vanjaar was dit Vanderbijlpark se beurt om gasheer te speel.
Die PinkTober-veldtog samel geld in vir KANSA en Reach for Recovery, wat ondersteuning bied aan mense wat deur borskanker geraak word. Die veldtog het verlede jaar R1,2 miljoen ingesamel.
Die Bowling for Boobies-rolbalaande het R650 000 van dié bedrag bygedra, met 168 spanne wat in vyf stede deelgeneem het.
OFM se fondsinsamelingsdoelwit vir vanjaar was R1 miljoen. Dié teiken is sedertdien verbygesteek.
At Caxton, every story is written by humans. We use AI only to perform quality checks - never to generate the news. Happy reading!
