VANDERBIJLPARK – Die VF Plus se burgemeesterkandidaat vir Emfuleni, Cobus Cato het saam met die party se burgemeesterskandidaat vir Sedibeng, Julio Agrella en drie van die party se kandidate besoek afgelê in Bophelong.

Inwoners het van die geleentheid gebruik gemaak om lidmaatskapvorms in te vul. Soos dit die party se gebruik is, is die verrigtinge met skriflesing en gebed deur kandidaat Jo-Anne Geldenhuys geopen.

Cobus het in ʼn kort toespraak verduidelik waarvoor die party staan en genoem dat almal dieselfde diensleweringsprobleme ervaar met betrekking tot water, krag en riool. Hy het ook genoem dat veiligheid en sekuriteit in Emfuleni aangespreek moet word.

Hy het ʼn beroep gedoen dat mense op 4 November gaan stem, want deur nie te gaan nie is ʼn vermorsing van ʼn stem en kortwiek die verandering op munisipalevlak waarop almal hoop.

ʼn Inwoner het na die vergadering dit mooi saamgevat toe hy gevra is hoekom ondersteun hy die VF Plus deur te sê: “Because I’m gatvol!”