Adrie van Greunen, Dalview skryf:
Ek verwys na die berig op die voorblad van die Herald van 31 Augustus (Bejaarde beleef nag van hel).
Ek en my vriendin het Vrydag erg gewroeg oor die berig. Ek het daarna verwys toe ek by haar gaan koffie drink het.
Sy het nog nie die koerant gesien nie, maar dit dadelik gaan haal en die ontstellende berig gelees. Sy was vies omdat foto’s van die vrou se beserings gepubliseer is en ons het eintlik ’n groot meningsverskil daaroor gehad.
Die media in die algemeen kan soms die dam onder die eend uitruk, maar ek voel die publiek die reg het om te weet wat aangaan.
Dit help nie dat ons met oogklappe deur die lewe gaan nie. Ek glo dit was vir die vrou moeilik om haar verhaal te vertel maar juis daarom is ek meer versigtig.
Dit is nodig dat ons lees en hoor van geweld en misdaad, want dit is ’n werklikheid waarmee ons moet saamleef.
My vriendin het uiteindelik my standpunt ingesien en ons het verder lekker gesels en koffie gedrink.
Dankie aan die Herald wat ons op hoogte hou van die goeie maar ook die slegte dinge wat in die dorp gebeur.
En laastens maar beslis nie die minste. Ek hoop die wrede, gevoellose mense wat daardie bejaarde vrou so verniel het sal gevang word en die straf kry wat hulle verdien.
Ek bid elke aand vir haar en vir elke persoon in hierdie land van ons wat ’n slagoffer van misdaad was.
Niemand verdien die trauma en seer nie.
Ander inwoners het ook hul opinie gelig op ons sosiale media. Dis wat hul te sé gehad het:
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
