Ermelo-stoeiers het wengreep
Marno Botha is tydens dié toernooi gekies vir die span wat aan die SA Presidente-toernooi op 8 April in die Kaap deelneem.
Ermelo Stoeiklub was die afgelope naweek die gasheer van die Mpumalanga Stoeikampioenskap by die Burgersentrum.
Plaaslike stoeiers het hulle goed van hul taak gekwyt en het met 11 goue, drie silwer- en twee bronsmedaljes weggestap.
Marno Botha het in die enkelmassa-afdeling twee goue medaljes onderskeidelik in die vrystyl en presidente verower.
Hy is tydens dié toernooi gekies vir die span wat aan die SA Presidente-toernooi op 8 April in die Kaap deelneem.
Die ander atlete wat tot die medalje-oes bygedra het, is:
Goud: Pieter van Aardt (vrystyl en presidente – albei enkelmassa), Andrè Robertson, (vrystyl en presidente – albei enkelmassa), Lian van der Bank (vrystyl/enkelmassa), Hubert Terblanche (vrystyl), Jonathan van der Westhuizen (vrystyl/enkelmassa), De Wet Luus (vrystyl/enkelmassa) en Franco du Rand, vrystyl/enkelmassa).
Silwer: Roelof Smit (vrystyl), Lian van der Bank (presidente) en Jonathan van der Westhuizen (presidente).
Brons: Hubert Terblanche (presidente) en Teghan Breytenbach (vrystyl).
Die twee jong stoeiers Arno van der Bank en Jac Botha het elk ’n medalje vir deelname ontvang.
