Laerskool JJ van der Merwe het op 13 en 14 Januarie sy jaarlikse interhuisatletiekbyeenkoms aangebied, en dié geleentheid het reeds belowende atlete opgelewer.

Renee Boshoff is as die junior victrix ludorum aangewys en Johan Theron die junior victor ludorum.

Die senior victrix ludorum is Liane Cilliers, en Tanyaradzwa Shoniwa is as die senior victor ludorum aangewys.

Jamie-lee James het die trofee vir die beste prestasie van die dag ontvang, en is ook as die beste baanatleet aangewys.

Milla Dippenaar was die veldatleet vir die dag.