Limpopo se bergfietsryers in aksie by SA’s
Tien bergfietsryers het die Limpopo by die Suid-Afrikaanse XCO en XCC-kampioenskappe by die Cascades MTB Park in Pietermaritzburg verteenwoordig.
Die kampioenskap het die afgelope naweek plaasgevind met Chantelle Gouws wat ‘n podiumplek losgery het in die XCO-wedren se jeugafdeling met ‘n tyd van 1:03:42. Sy behaal ook vyfde plek in die XCC-wedren met ‘n tyd van 14:59. Karli van Wyk vat sesde plek in die XCO-wedren se jeugafdeling. Sy voltooi die roete in 1:11:24 en ry ‘n sewende plek los in die XCCwedren met ‘n tyd van 16:00.
Elané Visser neem deel in die subjunior-afdeling en vat sewende plek in die XCO-wedren met ‘n tyd van 46:17. Sy behaal ook 10de plek in die XCC-wedren met ‘n tyd van 15:59. Sophia van Wyk vat agtste plek in die XCO-wedren se juniorafdeling. Sy voltooi die roete in 1:34:41. Van Wyk behaal ook sesde plek XCOwedren met ‘n tyd van 17:23.
Lees ook: Speke sing by Lim XCO3
In die seunsafdeling doen Henro van der Walt goed om ‘n sewende plek in die XCC-wedren se jeugafdeling te behaal. Hy voltooi die roete in 11:34 en vat ook negende plek in die XCO-wedren. André van Ree vat 18de plek in die XCC-wedren en kon nie die XCO-wedren klaarmaak nie. Frederick Willemse is 29ste in die XCC-wedren en is 32de in die XCO-wedren.
Michiel Genis vat 20ste plek in die XCC-wedren se seuns subjuniorafdeling en is 16de in die XCOwedren. Marlo van der Walt is 23ste in die XCC-wedren en is ook 23ste in die XCO-wedren. Thabo Mulaudzi ry die XCCwedren in 19:21en behaal 26de plek in die juniormansafdeling en is 30ste in die XCO-wedren.
