Suid-Afrika se oudste skoolkoorkompetisie, ATKV Applous, nooi alle belangstellendes om deel te vorm van hierdie prestige kompetisie.
Laer- en hoërskoolkore kan inskryf vir dié gebeurtenis wat vir die 37ste jaar aangebied word.
Laerskole kan in die meer en minder ervare junior en senior kore afdelings inskryf. Nie-Afrikaans-moedertaalsprekende skole kan in die senior en junior kore afdelings inskryf.
Die hoërskole afdeling bestaan uit Afrikaanse en nie-Afrikaanse minder ervare kore, asook ‘n meer ervare een. Beide afdelings sluit seuns-, meisies- en gemengde kore kategorieë in.
Skole en koorleiers het tot 14 Maart om in te skryf.
Navrae: www.atkvprojekte.co.za, Bessie Keun by 082-454-6060 of Johan Esterhuizen by johane@atkv.org.za
At Caxton, we employ humans to generate daily fresh news, not AI intervention. Happy reading!
