Boma maak naam in Burgersfort
Die Boma Pub & Grill het sowat twee maande gelede op Burgersfort geopen en is reeds besig om naam te maak.
BURGERSFORT – Die Boma Pub & Grill het sowat twee maande gelede op Burgersfort geopen en is reeds besig om naam te maak.
Die eienaars, Arend en Johnny Moll en Francois Reinecke het dié gesellige plek rondom ‘n jagterstema ontwerp met die doel om vir die inwoners ‘n plek met ‘n rustige atmosfeer te skep waar families en vriende kan kuier en eet.
Daar is ‘n speelkamer vir kinders, ‘n kroeg waar geklets en gekuier kan word, en ‘n aparte deel waar almal wat rustig wil verkeer en eet, dit kan doen.
Rugbyliefhebbers kan deurentyd elke rugbywedstryd (plaaslik en SuperRugby) op die televisieskerms volg en tussendeur peusel aan ‘n lekkerbek-spyskaart met baie billike pryse. Woensdae word ‘n tradisionele spyskaart voorgesit met liplek-lekker skaapstert, skaapafval en pap en kaiings.
Vrydae is “happy hour” van 17:00 tot 18:00 en word vermaak deur ‘n platejoggie of sanger verskaf. Die Boma lewer bestellings deur die week af. ‘n Gereelde klant, Robbie Baxter sê die
Boma se salami is uitstekend, “Jy kan nie beter kry nie. Teen R100 per kilogram is dit ‘n winskopie!” Verskeie peuselborde (platters) is ook op bestelling beskikbaar.
Burgersforters, kom maak ‘n draai by die Boma, jy gaan verras wees… of skakel Johnny by 013-231-7470 vir bestellings en aflewerings.
.
