EntertainmentLifestyleLocal newsNewsNewsPeople
Boere-kultuurfees sorg vir groot vermaak
Verskeie demonstrasies soos broodbak in ‘n buiteoond, botterkarring, klei-os maak en voorlaaiskiet het gesorg vir oneindige genot.
LYDENBURG – Daar is weer baie lekker gekuier tydens Ouwerf Plaasmuseum se boere-kultuurfees Maandag.
Verskeie demonstrasies soos broodbak in ‘n buiteoond, botterkarring, klei-os maak en voorlaaiskiet het gesorg vir oneindige genot.
Interessante handwerkstalletjies het lekkernye soos egte plaasbotter, konfyt, heuning en boerseep verkoop en daar was meer as genoeg aktiwiteite vir die dag.
Oud en jonk het aan boeresport, perdesport, kettieskiet, trekkerritte, visvang en pyl-en-boogskiet deelgeneem. Daar was tot ‘n modevertoning deur van Toeka tot Nou en ‘n dansvertoning deur Global Artists. Die sanger, Tom Jacobie, het natuurlik gesorg vir lekker saamsing- en dansliedjies.
