MBOMBELA – Hoërskool Nelspruit (NHS) mag voorwaar bars van trots!
Die 251 matriekleerders het altesaam 432 onderskeidings losgeskryf. Saam het hulle ‘n gemiddelde universiteitsvrystelling van 84,5 persent behaal en die gemiddeld per leerling is 67,9 persent. Die skool spog ook met die hoogste universiteitstoelatingsyfer in die provinsie, asook die beste vakprestasie in Mpumalanga in fisiese wetenskappe, rekeningkunde, wiskunde-geletterheid en Engels.
Met hulle lewens voor hulle, het hulle reeds vroeg Woensdagoggend voor die skool se kantoordeure saamgedrom in groot afwagting om hulle uitslae onder oë te kry.
Nie minder nie as 18 van hulle het sewe onderskeidings ingepalm. Een van hulle is Inge Schmidt, wat dan ook 2015 se dux-leerling was. Sy het onderskeidings in Afrikaans huistaal, Engels eerste addisionele taal, wiskunde, lewensoriëntering, rekeningkunde, lewenswetenskappe asook fisiese wetenskappe, behaal.
Sy gaan hierdie jaar medies aan die Universiteit van Pretoria studeer en beoog om later in neurologie te spesialiseer. “Ek is baie bly oor my uitslae en my raad aan diegene wat hierdie jaar matriek aanpak, is om hard te werk en nooit moed op te gee nie.”
Milan van Veenhuyzen is een van hulle en gaan ook medies studeer, maar aan die Universiteit van die Witwatersrand. Hy het onderskeidings in Afrikaans huistaal, Engels eerste addisionele taal, wiskunde akademie, fisiese wetenskap, rekeningkunde, geografie en lewensoriëntering behaal.
Dié swemsensasie was vanjaar kaptein van die Mpumalanga Skolespan tydens die SA Skolekampioenskap en het ook aan die SA Junior Swemkampioenskappe deelgeneem. Hy is as die beste senior seunswemmer in Mpumalanga vir die 2014/15-seisoen aangewys.
Ander leerders met sewe onderskeidings is:
1. Armand de Wet (Afrikaans, Engels, wiskunde, lewensoriëntering, rekeningkunde, lewenswetenskappe en fisiese wetenskappe).
2. Heleen Engelbrecht (Afrikaans, Engels, wiskunde, lewensoriëntering, rekeningkunde, lewenswetenskappe en fisiese wetenskappe).
3. Magdalie Ferreira (Afrikaans, Engels, wiskunde, lewensoriëntering, gasvryheidstudies, lewenswetenskappe en fisiese wetenskappe).
4. Nadia Horn (Afrikaans, Engels, wiskunde, lewensoriëntering, gasvryheidstudies, lewenswetenskappe en fisiese wetenskappe).
5. Meiring Kieviet (Afrikaans, Engels, wiskunde, lewensoriëntering, rekeningkunde, lewenswetenskappe en fisiese wetenskappe).
6. Christi Kruger (Afrikaans, Engels, wiskunde, lewensoriëntering, rekeningkunde, ingenieursgrafika en -ontwerp en fisiese wetenskappe).
7. Albertus Louw (Afrikaans, Engels, wiskunde, lewensoriëntering, geografie, lewenswetenskappe en fisiese wetenskappe).
8. Jaco Luus (Afrikaans, Engels, wiskunde, lewensoriëntering, ingenieursgrafika en -ontwerp, inligtingstegnologie en fisiese wetenskappe).
9. Elsje Malan (Afrikaans, Engels, wiskunde, lewensoriëntering, rekeningkunde, lewenswetenskappe en fisiese wetenskappe).
10. Anke Marais (Afrikaans, Engels, wiskunde, lewensoriëntering, geografie, ingenieursgrafika en -ontwerp en fisiese wetenskappe).
11. Wessel Muller (Afrikaans, Engels, wiskunde, lewensoriëntering, rekeningkunde, lewenswetenskappe en fisiese wetenskappe).
12. William Nel (Afrikaans, Engels, wiskunde, lewensoriëntering, rekeningkunde, lewenswetenskappe en fisiese wetenskappe.
13. Claudine Noppe (Afrikaans, Engels, wiskunde, lewensoriëntering, rekeningkunde, gasvryheidstudies en fisiese wetenskappe).
14. Bianke Potgieter (Afrikaans, Engels, wiskunde, lewensoriëntering, rekeningkunde, besigheidstudies en fisiese wetenskappe).
15. Janco Smit (Afrikaans, Engels, wiskunde, lewensoriëntering, ingenieursgrafika en -ontwerp, inligtingstegnologie en fisiese wetenskappe).
16. Inge van der Walt (Afrikaans, Engels, Wiskunde, lewensoriënteirng, rekeningkunde, lewenswetenskappe en fisiese wetenskappe).
Diegene met ses onderskeidings is:
1. Saskia Bouwer (Afrikaans, Engels, lewensoriëntering, besigheidstudies, lewenswetenskappe en fisiese wetenskappe)
2. Cilene Coetzee (Engels, wiskunde, lewensoriëntering, gasvryheidstudies, lewenswetenskappe en fisiese wetenskappe).
3. Francois Kroukamp (Afrikaans, Engels, lewensoriëntering, rekeningkunde, lewenswetenskappe en fisiese wetenskappe).
4. Johan Schultz (Engels, wiskunde, lewensoriëntering, rekeningkunde, lewenswetenskappe en fisiese wetenskappe).
5. Naomi Steinberg (Afrikaans, Engels, lewensoriëntering, rekeningkunde, besigheidstudies en rekenaartoepassingstegnologie).
6. Ilicia van Breda (Engels, wiskunde, lewensoriëntering, rekeningkunde, lewenswetenskappe en fisiese wetenskappe).
Diegene met vyf onderskeidings:
1. Rischa Blom (Afrikaans, Engels, lewensoriëntering, rekenaartoepassingstegnologie en lewenswetenskappe).
2. Janco Brink (wiskunde, lewensoriëntering, rekeningkunde, ingenieursgrafika en -ontwerp en fisiese wetenskappe).
3. Liezl de Jager (Engels, wiskunde, lewensoriëntering, lewenswetenskappe en fisiese wetenskappe).
4. Johanri du Toit (Engels, lewensoriëntering, besigheidstudies, gasvryheidstudies en lewenswetenskappe).
5. Jacques Fourie (Wiskunde, lewensoriëntering, rekeningkunde, lewenswetenskappe en fisiese wetenskappe.)
6. Christelle Kilian (Engels, lewensoriëntering, besigheidstudies, lewenswetenskappe en fisiese wetenskappe).
7. Lindie Rossouw (Afrikaans, Engels, lewensoriëntering, besigheidstudies en rekenaartoepassingstegnologie).
8. Lome Smit (Afrikaans, Engels, lewensoriëntering, rekeningkunde en fisiese wetenskappe).
9. Christine Stapelberg (Afrikaans, Engels, lewensoriëntering, besigheidstudies en lewenswetenskappe).
10. Neil van Veyeren (Engels, Wiskunde, lewensoriëntering, rekeningkunde en fisiese wetenskappe).
Kyk hier hoe die ander Laeveld-skole presteer het:
Distinctions by the dozen for Penryn
Another 100 % pass for Uplands
Lydenburg spog met hulle bestes
Lowveld High scores 93,4 per cent
