Online Ouma en oupa dag

BURGERSFORT – Laerskool Burgersfort se jaarlikse tradisie het hom dié jaar weer herhaal op 26 Augustus. Dit was ouma en oupa dag. Dogtertjies het soos hulle ouma’s aangetrêk, en seuntjies visstok in die hand net soos hulle oupa’s. Daar was baarde en voortrekkerrokke net waar jy kyk. Die skool se junior en senior koor het opgetree en ook verskeie ander items is deur leerlinge voorgedra. Die skool wil net dankie sê aan elke ouma en oupa wat die dag bygewoon het en dit ‘n reuse sukses gemaak het. Almal is opgewonde om te sien wat volgende jaar se ouma en oupa dag gaan oplewer.