Lefra gaan bos by vanjaar se Innibos

Kom rock en roll met die musical – Buddy – The Buddy Holly Story, kom skaterlag met die klug, My Vrou Se Man Se Mannetjie en meneer en mevrou kom herken jouself in Groet Die Grotman 2. Besprekings kan by Computicket gemaak word. Groepe van meer as 10 mense kan afslag aanvra by Monica op 011 815 3000.

Buddy – The Buddy Holly Story

Lefra Produksies se suksesvolle musiekblyspel, Buddy – The Buddy Holly Story met Brendan Peyper as Buddy speel by die Nelspruit Hoërskool Ouditorium op die volgende dae: Dinsdag, 25 Junie om 18:00, Woensdag, 26 Junie om 10:00, Donderdag, 27 Junie om 18:00 en Vrydag, 28 Junie om 09:00.

Kom beleef die wonderlike musiek van die “vader” van Rock & Roll soos Rave On, True Love Ways, Peggy Sue en vele meer. Vir die eerste keer in die geskiedenis, bied Innibos ‘n volle West End Musical aan. Moet dit nie misloop nie!

My Vrou Se Man Se Mannetjie

Die klugkonings, Lefra Produksies is terug by Innibos met ‘n splinternuwe klug vanjaar – My Vrou Se Man Se Mannetjie! Hier lekkerlag mal komedie speel by Lowveld High op die volgende dae: Woensdag, 26 Junie om 19:00; Donderdag, 27 Junie om 10:00; Vrydag, 28 Junie om 17:00 en Saterdag, 29 Junie om 09:00. Isak (Cobus Venter) en Linda se huwelik is op ‘n 17 jaar-jeuk.

Linda voel dat sy meer uit die lewe wil hê… veral meer opwinding. Isak aan die anderkant is heel gelukkig met sy saai lewe – hy het ‘n suksesvolle kunsblommebesigheid en sy hele bestaan word deur die besigheid oorgeneem. Linda voel egter dis tyd om te skei en arme Isak is in die donkterte dieptes.

Voeg egter daarby ‘n seniele oupa Arnoldus (meesterlik vertolk deur Paul Lückhoff), inmengerige bure, Herman (Johan Joubert) en Bettie (Marissa Claasen) en ‘n sestienjarige, jeukerige seun, Chris (Rowlen von Gericke), en jy het ‘n totale resep vir chaotiese lekkerlag!

Groet Die Grotman 2

Die immergewilde Grotman is vanjaar terug met die splinternuwe Groet Die Grotman 2! Daar is slegs twee vertonings van Groet Die Grotman – so bespreek vinnig. Die Grotman speel by die Bergland Laerskool op Donderdag, 27 Junie om 15:00 en Vrydag, 28 Junie om 13:00. Dit is twintig jaar later. Grotman en Elize is steeds gelukkig getroud… of is hulle?

Die kinders is tieners met hul eiesoortige uitdagings. Grotman het sy rookseine verruil vir WhatsApp, Eposse, iFone, Facebook en Twitter. Die verskille tussen Mans en Vrouens is steeds daar, want mans is steeds van Mars en vrouens van Venus. Lefra kondig met trots aan dat Wynand (Karate Kallie) van Vollenstee die rol van Grotman 2 gaan speel.

Wynand is ‘n bekende in die komiese teater en hy word deesdae ook gesien in Willie Esterhuizen se baie suksesvolle Ouboet en Wors as Gielie. Frans Swart het die teks geskryf en hanteer ook die regie. Vrouens… julle gaan julle mans herken in Grotman 2 en jy kan gerus maar jou man in die ribbes pomp. Meneer, jy gaan beslis jou Vrou in Grotman 2 herken… so wys maar gerus die wysvinger vir Mevrou… net nie die middelvinger nie. Saam gaan mans en vrouens weer heerlik lag en sommer gratis terapie ontvang vir die huwelik. Kom kyk Groet Die Grotman 2!