MBOMBELA – Vir die leiers van Laerskool Laeveld is dit belangrik om elke jaar te verseker dat hulle aan die gemeenskap teruggee.
Vanjaar was geen uitsondering nie en op 17 Mei het hulle die St. John’s Care Centre net buite Barberton besoek.
Die sentrum spesialiseer in die verskaffing van liefdevolle sorg en ondersteuning vir weeskinders wat met MIV gediagnoseer is.
LEES OOK: FOTO’S: Laerskool Laeveld familiekarnavaal
Volgens die skool se woordvoerder, Sonja Holtzhausen, is dit ‘n projek waaraan die hele skool deelneem.
“Elke graad samel items op die sentrum se wenslys in en dit word dan deur ons prefekte uitgedeel.”
Die items op die wenslys sluit kos, nie-bederfbare produkte, skoonmaakmiddels en toiletware in.
“Dit is goed vir die leerders om te leer om ook vir ander te gee wat minderbevoorreg as hulle is,” meen Holtzhausen.
LEES OOK: Laerskool Laeveld dominate on rugby field
