Veldskool bly maar fees

Elke jaar is veldskool- en leierskampe vir graadses- en graadsewe-leerders van Waterval CVO-skool iets om na uit te sien. Om vanjaar uBhetyan Game Lodge te kon besoek, was ‘n groot belewenis.
“Watter fees was dit nie om hart en siel aan al die aktiwiteite te kon deelneem nie,” vertel onderwyser, Marune Briel. “Groot was die verrassing toe een van die fasiliteerders ‘n deelnemer van die televisieprogram, Boer Soek ‘n Vrou, was!
Dit was ‘n voorreg vir die kinders om tussen die diere te kon beweeg, saam met ander maats uitdagings te kon oorbrug en saans pootuit in die bed te val.”