Vlammies verwelkom hul nuwe personeellede

Hoërskool Bergvlam se personeel is gereed vir 2021 en het op 1 Februarie met voorbereiding vir die nuwe skooljaar begin.

February 19, 2021

Supplied Content Less than a minute

Die skool verwelkom sewe nuwe personeellede: Elsa van Zyl, Malanda Steyn en LeClue Cilliers, asook die onderwysstudente vir die jaar, Chizelle Benson, Lee Buys, Anya Pretorius en Kamille Reekers.

Van Zyl bied Afrikaans eerste addisionele taal aan en was 26 jaar by Oos Moot. Sy gaan betrokke wees by die skool se kultuur en kan nie wag vir hierdie jaar se Dreamville #2 nie!

Cilliers kom van Bethal af en gaan vir gr. 10- tot 12-leerders gasvryheidstudies aanbied. Hy is ook ‘n rugbyafrigter en het al verskei prestasies behaal. Natuurlik is kosmaak een van sy groot liefdes, maar so ook sy 1963 Anglia.

Steyn is van Krugersdorp afkomstig en gaan vir die gr. 10- en 11-leerders fisiese wetenskappe aanbied. Haar groot liefde is perdry, maar sy gaan ook betrokke wees by die skool se hokkie.

Reekers, ‘n oud-Vlammie, studeer aan NWU en haar hoofvakke is lewenswetenskap en Engels.

Pretorius studeer deur Unisa en haar hoofvak is besigheidstudies.

Benson studeer deur NWU seniorfase- en VOO verbruikerstudies.

Buys is by Unisa ingeskryf en gaan tale en wiskunde aanbied.

“Ons sien baie uit na die jaar wat voorlê en kan nie wag vir ons leerders om terug te kom nie,” het Mandy Barnard, skakelbeampte van Hoërskool Bergvlam, gesê.

“Daar het ook 30 van ons personeellede met noodhulp vlak 2-opleiding begin. Die ander deel van ons personeel is besig met Moodle-opleiding sodat ons 100% gereed is vir wanneer ons leerders terug is by die skool.”

LEES OOK: Liefie die worshondjie is weer veilig tuis

At Caxton, we employ humans to generate daily fresh news, not AI intervention. Happy reading!

February 19, 2021

Supplied Content Less than a minute