Laerskool Laeveld se atlete sorg vir groot opwinding
Hoewel die groot trofees Laerskool Laeveld hierdie jaar ontwyk het, was daar verlede Saterdag geen tekort aan welslae vir dié skool nie.
Altesaam 10 goue medaljes, nege silwer en 12 brons is deur die skool se top atlete ingepalm. Dit was veral in die naellope waar atlete soos Banele Sithole, Owethu Shogwe, Khaya Mashaba en Sanri Ras die skool se naam hoog gehou het. Owethu se tyd van 11.52 sek. in die 80 m-seunsitem, 0.01 sek. vinniger as Troy Grobbler van Nellies, was genoeg om hom ‘n goue medalje te besorg.
Dié twee spoedvrate het ook in die 100 m-naellope kragte gemeet, waar Owethu die gaping effens kon verbreed om sy tweede goue medalje vir die dag in te win.
Banele het in ‘n tyd van 13.03 sek. in die seuns 13-item koning gekraai, met sy spanmaat, Athi Kobese, kort op sy hakke, terwyl Khaya in die dogters 11 jaar loshande voor die naaswenner in 14.44 sek. oor die wenstreep gebars het.
LEES OOK: Dis weer tyd vir die gewilde Maroela Makiti
Sanri het ‘n goue medalje verwerf toe sy in ‘n tyd van 13.25 sek. die 80 m-naellope voltooi het, en in die 75 m-hekkies het Anzél Moolman in ‘n tyd van 13.61 sek. koning gekraai. Laasgnoemde het ook in die sandput goud verwerf met ‘n afstand van 4,46 m.
In die langafstande vir seuns 10 jaar, het Anrich Botha in ‘n tyd van 4:13.15 met die louere weggestap. Diane van der Merwe en Lienkie Vorster het die skool goed op die veld verteenwoordig.
Lienke Vorster het goud verwerf met ‘n afstand van 3,62 m in die sandput en Diane het ‘n gewigstootafstand van 9,15 m, en sodoende goud bereik.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
