Nellies slaggereed vir Interhoër 2014

NELSPRUIT – Hoërskool Nelspruit se 150 atlete en 1000 toeskouers sien reikhalsend uit na Saterdag se groot atletiek by Bergvlam.

Atletiek is gewis tans een van NHS se blink diamante op die sportfront.  Die atlete het besonder hard gewerk en het  ook verskeie persoonlike beste tye  verlede naweek op Roodepoort behaal.

NHS se kookwater dirigente is vasbeslote om vir die vierde jaar in ‘n ry die sangbeker na Nellieland te bring. Die gees en positiwiteit is hierdie jaar besonder hoog onder die palmtakdraers en elke Nellie is Saterdag daar om van Interhoër 2014 ‘n onvergeetlike ervaring te maak.  Baie sterkte aan Hoërskool Bergvlam met die byeenkoms.